Námskeið

Seigla, streita, samskipti, meðvirkni!

Áhrifaríkt námskeið sem miðar m.a. að því að efla seiglu og stuðla að heilbrigðum tengslum, samskiptum og mörkum í lífi og starfi.

Hvar:  Hótel Grímsborgir

Hvenær:  24. - 27. febrúar 2026 

Verð: 214.000 kr. (2ja manna herbergi, fullt fæði og námskeið innifalið.

Verð fyrir einstaklingsherbergi kr. 249.000 kr.

Námskeiðið er styrkt af flestum starfsmenntasjóðum (sí- og endurmenntun).

Viltu efla seiglu til að takast á við breytingar og áskoranir, í lífi og starfi?

Langar þig að:

• Efla seiglu og snúa streitu í styrk
• Skilja bæði jákvæð og neikvæð áhrif streitu
• Efla samskiptafærni þína
• Læra að setja heilbrigð mörk
• Skilja áhrif álags og áfalla á samskipti og heilsu
• Draga úr líkum á kulnun í starfi
• Vaxa og dafna

Um námskeiðið:

Námskeið sem gefur verkfæri sem nýtast vel í líf og starfi. Ein grunnforsenda þess að vaxa í starfi eru heilbrigð streita og samskipti. Þau hafa m.a. áhrif á starfsánægju, vinnustaðamenningu og starfsanda. Að bera kennsl á og getað bætt, þá þætti í umhverfi sem valda neikvæðri streitu, óheilbrigðum samskiptum og samskiptaleiðum  er einkar mikilvægt þegar að því kemur að skapa gott starfsumhverfi með möguleikum á að auka færni og þróast í starfi.

Námskeiðið er í formi fyrirlestra, æfinga, hópavinnu, hugleiðslu, hvíldar og viðveru í náttúrunni.

Kennarar:

Gyða Dröfn Tryggvadóttir starfar sem meðferðararaðili í áfalla-og uppeldisfræðum (PIT Therapy)sem daglega er kallað meðvirkni, kennari og fyrirlesari á sviði meðvirkni og núvitundar. Gyða Dröfn er lýðheilsufræðingur EMPH og lauk námi í áfalla-og uppeldisfræðum Piu Mellody.

Kristín Sigurðardóttir  er slysa-og bráðalæknir, með heildræna sýn á heilsu og hefur alla tíð sem læknir sinnt heilsueflingu, forvörnum og kennslu. Hún er aðjúnkt við Læknadeild HÍ, gestakennari við HR og situr í Lýðheilsuráði Læknafélags Íslands.